Milicyja rychtujecca da vybaraŭ — pravodzić vučeńni pa siłavym razhonie pratestoŭcaŭ
Na aeradromie Lipki prachodziać vučeńni staličnaj milicyi, udzieł u ich prymajuć supracoŭniki HUUS Minharvykankama, usich rajonnych upraŭleńniaŭ unutranych spraŭ, inšyja pradstaŭniki siłavoha błoka, paviedamlaje pres-słužba MUS.
29.11.2023 / 15:41
Nazirać za vučeńniami pryjechaŭ ministr unutranych spraŭ Ivan Kubrakoŭ.
Pres-słužba MUS nie chavaje, što vučeńni źviazanyja z vybarami.
«Napiaredadni vybarčaj kampanii 2024 hoda asablivaja ŭvaha nadajecca tearetyčnym i praktyčnym aśpiektam zabieśpiačeńnia achovy hramadskaha paradku ŭ niaštatnych situacyjach, pavyšeńniu ŭzroŭniu hatoŭnaści supracoŭnikaŭ da reahavańnia na mahčymyja pahrozy», — piša pres-słužba MUS.
Pakul staličnyja milicyjanty vučacca razhaniać mahčymych pratestoŭcaŭ, žychary Minska bieź ich dapamohi zmahajucca ź niepahadździu, ludziam razdajuć šufli.