Da Ziamli ruchajecca vielizarnaja soniečnaja ŭspyška kłasa X. Nad Biełaruśsiu moža paŭtarycca paŭnočnaje źziańnie
Dniami na Soncy adbylisia adrazu try mahutnyja karanalnyja vykidy, jakija zaraz laciać da Ziamli i mohuć vyklikać pa ŭsim śviecie zboi ŭ pracy radyjo, mabilnaj suviazi, interneta i elektrasietak. Płanietu čakaje «mocnaje paŭnočnaje źziańnie».
29.11.2023 / 18:59
Paŭnočnaje źziańnie na poŭdni Biełarusi 5 listapada. Fota: «Fłahštok»
Vydańnie Forbes sa spasyłkaj na kaśmičnaje ahienctva NASA i servis adsočvańnia situacyi na Soncy SpaceWeather.com paviedamlaje, što 30 listapada — 1 śniežnia na Ziamlu abryniecca vielizarny soniečny ŭsplosk kłasa X (adzin z samych mahutnych kłasaŭ), jaki składajecca z troch asobnych vialikich soniečnych vykidaŭ.
Płanieta moža sutyknucca ź pierabojami pracy spadarožnikaŭ, elektrasietak, interneta, a taksama radyjo i mabilnaj suviazi. U mieteazaležnych ludziej mohuć adčuć paharšeńnie svajho stanu zdaroŭja.
Ekśpierty adznačajuć, što hetym razam hieamahnitnaja bura na płaniecie budzie kłasa G4, što adpaviadaje 6-7 bałam pa 10-balnaj škale. Zafiskavanaja moc soniečnaha ŭsplosku — M9.82 (što adnosić jaho da kłasa X).
Forbes sa spasyłkaj na navukoŭcaŭ taksama dadaje, što pa ŭsioj Ziamli moža naziracca «mocnaje paŭnočnaje źziańnie».
«Uličvajučy moc soniečnaj bury, paŭnočnaje źziańnie adbudziecca pieravažna ŭ siarednich šyrotach płaniety», —skazała supracoŭnica servisu adsočvańnia situacyi na Soncy SpaceWeather.com, doktar Tamita Skoŭ.
Heta značyć, što paŭnočnaje źziańnie, jakoje bačyli biełarusy na poŭdni krainy 5 kastryčnika, moža paŭtarycca iznoŭ.
Na karyść hetaj mahčymaści havoryć jašče i toje, što, pavodle rasijsaha ahienctva «RIA Novosti», nad Maskvoj 30 listapada — 1 śniežnia možna budzie taksama nazirać paŭnočnaje źziańnie.
Čytajcie taksama:
«Zasypaje nas śnieh, zasypaje». U Minsku miacie zavirucha FOTAREPARTAŽ
«Kamień-bumieranh». Upieršyniu na našaj płaniecie byŭ znojdzieny mietearyt ziamnoha pachodžańnia