Zahinuŭ na vajnie z Ukrainaj jašče adzin rasijski hienierał
Rasijskija ŚMI paviedamili pra hibiel hienierała-majora Uzbrojenych siłaŭ Rasii Uładzimira Zavadskaha. Vierahodna, jon padarvaŭsia na minie ŭ tyle rasijskich vojskaŭ.
29.11.2023 / 18:45
Pra śmierć Zavadskaha 28 listapada paviedamiła ŭ sacsietcy «Vkontaktie» arhanizacyja vypusknikoŭ Maskoŭskaha vyšejšaha ahulnavajskovaha kamandnaha vučylišča «Kreml». Uvahu na publikacyju źviarnuli žurnalisty vydańnia «Važnyje istorii».
Pryčyna śmierci Zavadskaha ŭ tekście nie ŭdakładniajecca, adnak krynica telehram-kanała «VČK-OHPU» śćviardžaje, što hienierał-major zahinuŭ, padarvaŭšysia na minie ŭ tyle, «u addaleńni ad linii bajavoha sutyknieńnia».
«Važnyje istorii» adznačajuć, što heta ŭžo 12-y vypadak hibieli vyšejšych rasijskich vajskovych aficeraŭ na raźviazanaj Rasijaj vajnie suprać Ukrainy. Aficyjna rasijskija ŭłady, praŭda, pryznali tolki śmierć siami.
Uładzimir Zavadski byŭ namieśnikam kamandzira 14-ha armiejskaha korpusa US RF.
Pakul što samy vysokapastaŭleny aficer US RF, zabity na hetaj vajnie — namieśnik kamandujučaha Paŭdniovaj vajskovaj akruhi hienierał Aleh Cokaŭ. Jon zahinuŭ letam hetaha hoda ŭ Biardziansku, jak miarkujecca — pry ŭdary pa kamandnym punkcie rasijskaj 58-j armii.
Čytajcie taksama:
Hienštab Ukrainy zajaviŭ, što rasijskija vojski sprabujuć nastupać pa ŭsim froncie
Valfovič: Polšča i krainy Bałtyi nie stanuć napadać na Biełaruś