Łukašenka prybyŭ na adkryćcio klimatyčnaha samitu ŭ AAE
U «Ekspa-Sici» ŭ Dubai jaho vitali prezident AAE Muchamied bien Zaid al-Nachajan i hienieralny sakratar AAN Antoniu Huteryš. Usiaho ŭdzielnikami samitu 1-2 śniežnia stanuć kala 150 kiraŭnikoŭ dziaržaŭ i ŭradaŭ, piša BiełTA.
01.12.2023 / 09:29
Paviedamlajecca, što Łukašenka parazmaŭlaŭ z kiraŭnikami Kuby, Zimbabve i Toha. Fota: Puł pieršaha
Paśla prybyćcia kiraŭnikoŭ krain adbudziecca cyrymonija fatahrafavańnia i adkryćcia samitu, zatym projdzie plenarnaje pasiadžeńnie.
Čakajecca, što padčas vystupleńnia Alaksandr Łukašenka ahučyć padychody i prapanovy Biełarusi pa vyrašeńni hłabalnych pytańniaŭ klimatyčnaj i ekałahičnaj biaśpieki, udakładniaje BiełTA. Na palach samitu taksama zapłanavany šerah sustreč i pieramoŭ.
Miescam praviadzieńnia forumu abrany futurystyčny mini-haradok «Ekspa-Sici» ŭ paŭdniovaj častcy Dubaja. U 2021-2022 hadach tut prajšła pieršaja na Blizkim Uschodzie suśvietnaja vystava «EKSPA».