Na vajnie va Ukrainie zahinuŭ były abaronca mazyrskaj «Słavii»
Ukrainskamu lehijanieru biełaruskaha kłuba było ŭsiaho 33 hady.
01.12.2023 / 10:23
Raman Hadavany. Fota: sacsietki
Na vajnie padčas bajavoha vychadu 29 listapada zahinuŭ eks-futbalist Raman Hadavany, napisaŭ u fejsbuku žurnalist Raman Biebiech.
«Roma byŭ u 33-j bryhadzie. Nočču byŭ na bajavym vychadzie, pa jaho padraździaleńni pačaŭ pracavać tank. Bajcy zabiehli ŭ pasadku i tam zakranuli raściažku».
Žurnalist taksama zaklikaje dapamahčy siamji vajskoŭca. U jaho zastałosia dvoje dziaciej i žonka.
Raman Hadavany naradziŭsia ŭ Ciarnopali. Futbolnuju karjeru pačaŭ u «Vałyni», va ŭkrainskaj premjer-lizie zhulaŭ 104 matčy.
U 2016 hodzie hulaŭ za mazyrskuju «Słaviju». Pravioŭ za paleski kłub vosiem matčaŭ, zabiŭ adzin hoł.