Chto moh by pieraciahnuć elektarat Łukašenki?
U vypusku «Tok» sacyjołah Hienadź Koršunaŭ razvažaje, za kaho b mahła prahałasavać aŭdytoryja Łukašenki.
03.12.2023 / 21:03
Fota: Valery Sharifulin / Sputnik, Kremlin Pool Photo via AP
Sacyjołah zaŭvažaje, što jaho elektarat — heta nie tolki žančyny 50+, ale i siłaviki, administracyjnaja viertykal, častka biudžetnikaŭ, piensijanieraŭ i ŭroźlivych hrup (bo ludzi nie razumiejuć, jakaja alternatyva).
«Ja dumaju, heta budzie čałaviek, jaki ciapier u Biełarusi, naŭradci z uładnych kołaŭ. Ja dumaju, my jaho chutčej nie viedajem, heta budzie niešta kštałtu efiektu Babaryki. Nie abaviazkova ź biznes-kołaŭ. Jak Rejhan, jak Vacłaŭ Haveł, jak Lech Valensa».
Sacyjołah Hienadź Koršunaŭ. Skryn videa jutub-kanała «Tok»
Hienadź Koršunaŭ tłumačyć, čamu ličyć małaimaviernym, što čałaviek z uładnych kołach stanie realnym supiernikam Łukašenku.
«Kali my voźmiem viarchušku (Hałoŭčanka, Kačanava, Biełakonieŭ, chto zaŭhodna), moža chtości z hetych ludziej unutry chacieŭ by, ale ja vielmi sumniajusia, što taki čałaviek, jaki tam jość, zmoža sa svaim bekhraŭndam sarhanizavać astatnich. Tamu što tam budzie chutčej za ŭsio takaja bojka, jak my nazirajem zaraz u prapahandystaŭ», — zaŭvažaje jon.
Adziny, kaho Koršunaŭ dapuskaje na hetu rolu, — čałaviek kštałtu Viktara Łukašenki.
Hladzieć vypusk całkam: