Грамадства

У Сейме Літвы зарэгіструюць папраўкі да закона, якія абмяжоўваюць магчымасці беларусаў жыць у краіне

У найбліжэйшы час старшыня Камітэта нацыянальнай бяспекі і абароны Сейма Лаўрынас Кашчунас мае намер зарэгістраваць папраўкі да закона аб абмежавальных мерах — прапануецца выключыць магчымасць беларускім грамадзянам, якія прыбылі ў краіну, атрымаць статус часовага жыхара, паведамляе LRT.

Вільня. Від з замкавай гары. Фота: Наша Ніва

«Вельмі важна падкрэсліць, што мы працягваем падтрымліваць гуманітарны калідор. Іншымі словамі, калі гэта сапраўды праваабаронцы, людзі, рэпрэсаваныя беларускім рэжымам, МЗС зможа даць такі гуманітарны калідор. А наконт часовых мы робім адну агаворку — на кваліфікаваную працоўную сілу», — сказаў Кашчунас.

Па яго словах, папраўкі арыентаваны на групу беларусаў, якая становіцца мішэнню службаў рэжыму.

Ён сцвярджае, што гэты крок дапаможа знізіць пагрозы бяспецы Літвы і апазіцыі Беларусі ў самой Літве.

Чытайце таксама:

«Мы назіраем ​​беспрэцэдэнтную актыўнасць беларускіх спецслужбаў». Кіраўнік ДДБ Літвы выступіў за ўніфікацыю санкцый да беларусаў і расіян

Беларусаў, якіх літоўцы прызналі пагрозай нацыянальнай бяспецы, ужо 1644

Трэба раз і назаўсёды спыніць разважанні пра «вяртанне Вільні» — Рудкоўскі

Каментары да артыкула