Гамафобны трэш у Расіі: старонку гурта «Тату» прыкрылі, а папулярнаму мульціку паставілі маркіроўку «ад 18 год»
У Расіі з новым уздымам разварочваецца кампанія супраць ЛГБТ. Выглядае гэта ўжо зусім дзіўна.
04.12.2023 / 15:02
Дзіцячаму мультыку «Мой маленькі поні» ў «Кінапошуку» паставілі рэйтынг «18+». Гледачы мяркуюць, што зроблена гэта праз блакітнага поні Вясёлка Дэш.
Пазнака «18+» на мульціку зʼявілася пасля прыняцця законаў аб ЛГБТ-прапагандзе і прызнання ў Расіі «міжнароднай супольнасці ЛГБТ» экстрэмісцкай арганізацыяй.
А ў афіцыйнай суполцы групы t. A. T. u. «Вконтакте» закрылі сцяну, а таксама заблакавалі доступ да фота і відэа.
Але яшчэ год таму пасля прыняцця закона аб забароне «ЛГБТ-прапаганды» адміністратары суполкі выдалілі ўсе фатаграфіі з пацалункамі салістак групы Юліі Волкавай і Алены Кацінай.
30 лістапада Вярхоўны суд Расіі аб'явіў «рух ЛГБТ» экстрэмісцкай арганізацыяй паводле пазову Мінюста і забараніў дзейнасць «руху» на тэрыторыі краіны. Рашэнне набыло сілу неадкладна.
Чытайце таксама:
Вярхоўны суд Расіі абвясціў «рух ЛГБТ» экстрэмісцкай арганізацыяй