Прэзентацыя кнігі Артура Клінава ў Вільні — 5 снежня
Прэзентацыя кнігі Артура Клінава «Горад утопіі — горад імперыі» пройдзе сёння ў Віленскім музеі імя Івана Луцкевіча.
05.12.2023 / 13:31
«Ніхто не бачыць Мінск так, як бачыць яго Артур Клінаў — архітэктурнае разуменне, чуллівасць да прысутнасці таталітарызму ў формах, колерах і аб’ёмах, шпацыр як перажыванне, пасля якога свет не будзе выглядаць так жа.
Для тых, хто цікавіцца архітэктурай, дыскурсамі спадчыны і ўтаймаваннем савецкасці ў нашых сучасных жыццях.І для тых, хто сумуе па Мінску», — кажуць арганізатары.
Артур Клінаў знакаміты сваімі масштабнымі інсталяцыямі, якія аб’ездзілі ўсю Еўропу і нават прадстаўлялі Беларусь на Біенале ў Венецыі.
Архітэктар па адукацыі, ён прысвяціў ладную частку сваёй творчасці роднаму Мінску і мастацкаму даследаванню яго таталітарнай архітэктуры. Рэдактар культавага альманаху пра сучасную культуру pARTisan.