У Мінску сёння ноччу перакрыюць мост на вуліцы Маскоўскай
Раней працы на рамонтным участку планавалася правесці ў ноч на 3 снежня, але з-за ўмоваў надвор'я іх давялося перанесці.
05.12.2023 / 13:52
Фота: Tochka.by
Мост паміж вуліцамі Чкалава і Маскоўскай у Мінску будзе перакрыты з 21:00 аўторка да 04:00 (меркавана) серады для ўсіх тыпаў транспарту ў сувязі з правядзеннем рамонтных работ, паведамляе Tochka.by.
Маршруты сталічнага пасажырскага транспарту будуць зменены для аб'езду пуцеправода. Схемы руху размешчаны на партале дзяржаўнага прадпрыемства.
Раней перакрываць адрэзак, які рамантуецца, гарадскія ўлады планавалі ў ноч на 3 снежня, аднак з-за ўмоў надвор'я працы давялося перанесці.