Azierbajdžan pačaŭ vyrablać snarady dla Ukrainy — miedyja
Častka bojeprypasaŭ dla ŭkrainskaj armii, vierahodna, vyrablajecca na terytoryi Azierbajdžana. Infarmacyju pra pačatak hetaj vytvorčaści raspaŭsiudzili telekanał RTVI i vajskovyja błohiery.
05.12.2023 / 19:42
Raman Bačkała ŭ cechu pa vytvorčaści bojeprypasaŭ dla Ukrainy
Napiaredadni ŭkrainski vajskovy žurnalist Raman Bačkała apublikavaŭ u svaim kanale fatahrafii i videa z vytvorčaści snaradaŭ dyjamietram 122 mm dla haŭbic D-30. Bačkała adznačyŭ, što bojeprypasy vyrablajucca «ŭ adnoj z krain-partnioraŭ», nie ŭdakładniŭšy, u jakoj mienavita.
Na adnoj z fatahrafij RTVI vyjaviŭ šyldu z łahatypam kampanii Palladium Defence and Security Solutions, zasnavanaj u 2014 hodzie. Ofis kampanii raźmieščany ŭ Baku.
Niahledziačy na toje, što hetaja kampanija nie źviazanaja ź Ministerstvam abaronnaj pramysłovaści Azierbajdžana, jana rehularna vyjhravała tendery ad miascovych MUS, śpiecyjalnaj słužby dziaržaŭnaj achovy i pienitencyjarnaj słužby Miniusta.
Čytajcie taksama:
Zialenski zajaviŭ, što z-za vajny ŭ Izraili skaracilisia pastaŭki artyleryjskich snaradaŭ va Ukrainu