Kim Čen Yn raspłakaŭsia na zjeździe maci
Kim Čen Yn zapłakaŭ padčas dakładu na V Ahulnarespublikanskim zjeździe maci. Što mienavita stała pryčynaj dla sumu kiraŭnika KNDR, dakładna nieviadoma. Hetyja kadry bujnym płanam pakazali pa Centralnym telebačańni Karei, piša RIA Novosti.
06.12.2023 / 10:00
Kim Čen Yn zapłakaŭ padčas abviaščeńnia dyktaram momantu z dakładu, u jakim havorycca ab hatoŭnaści maci da samaachviaravańnia dziela budučyni svaich dziaciej.
«U sercy kožnaj maci, jakaja haduje dziaciej hodnymi ludźmi, zachoŭvajecca čystaje sumleńnie, jakoje dazvalaje dumać ab pieražyvańniach i turbocie partyi i dziaržavy bolš, čym ab ułasnym spakoi, a taksama vysakarodnaja śviadomaść hramadzianina, jaki imkniecca ŭnieści ŭkład va ŭmacavańnie šerahaŭ pradstaŭnikoŭ novaha pakaleńnia, zaklikanych nieści na svaich plačach budučyniu revalucyi. Dakładčyk z honaram adznačyŭ, što z kožnym dniom šyracca šerahi žančyn z takim vysakarodnym pohladam na žyćcio», — havaryŭ dyktar padčas kadraŭ z kiraŭnikom KNDR, jaki vyciraje ślazu.
Ahulnarespublikanski zjezd maci prajšoŭ u Pchieńjanie ŭpieršyniu za 11 hadoŭ.
Čytajcie taksama:
U Paŭnočnaj Karei ŭpieršyniu za 67 hadoŭ ludzi na vybarach prahałasavali suprać
Paŭnočnaja Kareja pastaviła ŭ Rasiju 1 miljon artyleryjskich snaradaŭ — Sieuł
Ekśpierty vyjavili imaviernyja šlachi pastavak zbroi z KNDR u Rasiju