«Maja vaha — 38 kh»: minčuka davioŭ da źniasileńnia šumny kandycyjanier susiedziaŭ
Mužčyna aktyŭna sudzicca z susiedziami — napisaŭ bolš za 200 zvarotaŭ va ŭsie instancyi.
07.12.2023 / 08:36
Fota: Tochka.by
Minčuk, jak Don Kichot, uparta zmahajecca — tolki nie ź vietrakami, a z susiedskim kandycyjanieram. Paŭtara hoda piša skarhi, sudzicca. Kandycyjanier nie daje narmalna spać — čuvać šum, vibracyi pa ścianie. Susiedzi dakazvajuć, što klimatyčnuju ŭstanoŭku raźmiaścili pa ŭsich praviłach, pieranosić jaje nie stanuć. Tochka.by zalezła ŭ abodva akopy susiedskaj vajny.
Son u letniuju noč
Historyja pačałasia letam 2022 hoda. Miesca dziejańnia — Minsk, šmatpaviarchovik na vulicy Čyhunačnaj.
U hetym domie žyvie i pakutuje Dźmitryj. Kandycyjanier, ustalavany na łodžyi sumiežnaj kvatery, nie daje jamu spać: šumić, pa hazasilikatnych ścienach iduć vibracyi. Mužčyna na miažy źniasileńnia — užo važyć 38 kh.
«Šumnuju» kvateru Dźmitryj zdymaje.
— Navošta hetyja pakuty, možna ž pierajechać? — słušnaje pytańnie.
— Majo prava, chaču tut žyć, — paryruje mužčyna.
Jak rastłumačyŭ Dźmitryj, u jaho jość damoŭlenaść z uładalnikam kvatery na vykup nieruchomaści. Płanuje tut žyć doŭha, tamu i zmahajecca za akustyčny kamfort.
Uletku kandycyjanier asabliva razdražniaje, kali davodzicca spać z adčynienym aknom, — mužčyna pakazvaje videa ŭ dokaz svaich słoŭ.
Dźmitryj niadaŭna źniaŭ druhuju kvateru, kab vyspacca, pakul iduć sudovyja ciažby.
Fota: Tochka.by
A ciažby jašče jakija… Za paŭtara hoda minčanin padaŭ bolš za 200 zvarotaŭ. Praŭda, varta addać naležnaje, susiedzi nie pierachodziać na asabistaje, a vietliva sustrakajucca ŭ sudzie.
Čaho damahajecca Dźmitryj? Choča pierakanać susiedziaŭ pieranieści kandycyjanier dalej, na inšaje akno, a paśla spahnać kampiensacyju za maralnuju škodu.
Słova susiedziam
Pierajšli na druhi bok leśvičnaj kletki. Što kažuć susiedzi?
«Pieranosić nie budziem — u nas śviežy ramont. Dy i ź jakoj nahody? Miesca ŭstanoŭki my ŭzhadnili — pa dakumientach usio ŭ paradku. I navat kandensat adviali — mała chto tak robić. U našym domie dziasiatak kandycyjanieraŭ, i bolš nichto na šum nie skardzicca», — raspaviadaje susiedka.
Fota: Tochka.by
Dźmitryj prapanavaŭ pakryć vydatki za svoj košt. Susiedzi admovilisia.
Žančyna paryruje, što Dźmitryj niamała dakučaje jaje siamji. Piša zajavy — učastkovy prychodzić kožny tydzień.
Praciah budzie
Sud Maskoŭskaha rajona admoviŭ Dźmitryju ŭ pretenzii i da taho ž jašče abaviazaŭ vypłacić adkazčycy 700 rubloŭ.
Fota: Tochka.by
Prakuror horada Minska nakiravaŭ pratest. Rašeńnie suda admieniena.
Hałoŭnaja pretenzija ŭ tym, što ekśpierty zamiarali šum dniom, — niekarektny vynik. Treba fiksavać paśla 23:00 i na maksimalnych nahruzkach klimatyčnaj ŭstanoŭki.
Fota: Tochka.by
Načnaja ekśpiertyza pryznačanaja na najbližejšy čas. Hulnia na źniasileńnie praciahvajecca. Chto kaho — ci Dźmitryj kančatkova pierajedzie, ci susiedzi ŭ jakaści žestu dobraj voli, a moža, i pa rašeńni suda pieraniasuć kandycyjanier na prymalnuju adlehłaść.