U listapadzie biełarusy nabyli valuty amal na miljard dalaraŭ
Jak vynikaje sa statystyki Nacyjanalnaha banka, za listapad biełarusy kupili zamiežnaj valuty na 933,1 młn dalaraŭ, a pradali — na 875,4 młn dalaraŭ. Roźnica, takim čynam, skłała 57,7 młn dalaraŭ na karyść kupli.
07.12.2023 / 17:55
Jurydyčnyja asoby ź liku rezidentaŭ Biełarusi ŭ minułym miesiacy pa-raniejšamu zastavalisia čystymi pakupnikami valuty: za nazvany pieryjad abjom nabytaj imi valuty na 253,9 młn dalaraŭ pieravysiŭ pakazčyki prodažu — 2,3582 młrd suprać 2,1043 młrd.
Takaja situacyja dla fizičnych asob nie zusim typovaja, bo ŭ cełym za adzinaccać miesiacaŭ biahučaha hoda fizičnyja asoby pradali valuty na 425,8 młn dalaraŭ bolš, čym nabyli — 9,22 młrd suprać 8,79 młrd. A voś dla arhanizacyj nazirajecca advarotnaja karcina — 23,08 młrd dalaraŭ nabytaj valuty suprać 22,04 młrd pradadzienaj (roźnica skłała 1,04 młrd dalaraŭ).
Čytajcie taksama:
Ad 1000 dalaraŭ za «kvadrat». Kolki kaštujuć kvatery ŭ novych ŽK Minska
Daražejuć kredyty, u tym liku na žyllo
Jak ciapier možna pieravieści hrošy ź Biełarusi ŭ Litvu i naadvarot