«Цмок на скарбе». На Камароўцы прадаецца даражэзная ёлачная цацка
У сераду ў інстаграм-акаўнце «Камароўка» апублікавалі невялікі, але вельмі цікавы ролік. У ім паказваюць і распавядаюць, якія навагоднія цацкі можна купіць на навагоднім кірмашы. Сярод іх ёсць і вельмі незвычайная, заўважыў «Анлайнер».
07.12.2023 / 18:39
У канцоўцы роліка мужчына кажа: «Самая дарагая цацка Рэспублікі Беларусь сёлета. Прашу любіць і паважаць — «Цмок на скарбе».
Цацка каштуе 400 рублёў. Крылы, дзюба і галава выкананыя з палістоўна — матэрыялу, які называюць альтэрнатывай натуральнаму каменю. Вытворца — польская фірма Glitterlab з горада Чэнстахова, якая спецыялізуецца на розных упрыгожваннях.
Ці купляюць такія дарагія цацкі, запытаўся «Анлайнер» у Дзмітрыя — індывідуальнага прадпрымальніка, які прадае ўпрыгажэнні на Камароўцы. Паводле ягоных слоў, пакупнік бярэ зусім розныя цацкі, у тым ліку дарагія.
Так, у Дзмітрыя купілі за 400 рублёў «Цмока на скарбе» чырвонага колеру. А адна жанчына плануе ўзяць «Прынцэсу на гарошыне», створаную па матывах знакамітай казкі Ганса Крысціяна Андэрсэна. Каштуе такая 300 рублёў.
Чытайце таксама:
Нямецкая пара паставіла ў сябе дома 555 калядных ялінак. І гэта сусветны рэкорд
«Самае складанае і цікавае — роспіс тварыкаў». Беларуска стварае з ваты душэўныя калядныя цацкі