U Žodzinie kiroŭca ŭsiedarožnika źbiŭ traich čałaviek na chodnikach
Jon vyjechaŭ na sustrečnuju z-za ŭtvareńnia abledzianieńnia na łabavym škle.
08.12.2023 / 09:58
7 śniežnia kala 7 ranicy 65-hadovy kiroŭca na Nissan X-Trail, ruchajučysia z boku Smalavičaŭ u napramku Barysava, učyniŭ najezd na piešachodaŭ: 41-hadovuju žančynu i dvuch mužčyn, 61 i 42 hadoŭ. Jany ruchalisia pa piešachodnaj darožcy.
Jon vyjechaŭ na sustrečnuju z-za ŭtvareńnia abledzianieńnia na łabavym škle. Paciarpiełyja z traŭmami roznaj stupieni špitalizavanyja, paviedamlaje abłasnoje DAI.