U Polščy nazvali kolkaść armii
U płanach pavialičyć jaje ŭ paŭtara razy.
08.12.2023 / 11:45
Polskija vajskoŭcy na paradzie 15 žniŭnia ŭ Varšavie ŭ honar 103-hodździa «cudu na Viśle». Fota: Czarek Sokolowski / AP
Polskaja armija naličvaje ŭžo 193 tysiač čałaviek Pra heta siońnia paviedamiŭ ministr abarony Polščy Maryjuš Błaščak na cyrymonii padpisańnia Damovy ab pastaŭkach samachodnych haŭbic «Krab» u vojski, piša reform.by.
«Siońnia polskaja armija naličvaje ŭžo 193 tysiač sałdat. Meta — 300-tysiačnaja armija, jakuju my sabie pastavili, źjaŭlajecca realnaj. Treba tolki chacieć hetaha i davieści adpaviednyja pracesy da kanca», — skazaŭ jon.
Siońnia Błaščak padpisaŭ kantrakt na pastaŭku Uzbrojenym siłam samachodnych haŭbic «Krab» polskaj vytvorčaści ŭ kolkaści 152 adzinak. Hetyja SAU ŭzbrojeny pryładami kalibra 155 mm i mohuć vieści ahoń na dalokaść da 40 km.