Rasijski pieršy kanał znajšoŭ zamienu Maksimu Hałkinu ŭ dziciačym šou. Heta ŭkrainka, jakaja admoviłasia ad hramadzianstva
Žanna Badojeva budzie vieści dziciačaje šou «Lepš za ŭsich!» na Pieršym kanale, paviedamili RBK u pres-słužbie telekanała.
11.12.2023 / 14:29
Žanna Badojeva. Fota: instahram Žanny Badojevaj
Raniej viadučym pieradačy byŭ Maksim Hałkin, jakoha Miniust Rasii pryznaŭ zamiežnym ahientam. Apošni na siońniašni dzień vypusk «Lepš za ŭsich!» vyjšaŭ u studzieni 2022 hoda.
Uvosień 2023-ha Pieršy kanał raźmiaściŭ na staroncy šou «UKantakcie» abjavu ab pošuku ŭdzielnikaŭ.
«Heta budzie novy siezon! Vy možacie pieršymi trapić na zdymki i paznajomicca z novym viadučym šou», — havaryłasia ŭ publikacyi.
Badojeva viała prahramu «Aroł i reška» ź pieršaha pa treci siezony (u pieršym siezonie suviadučym Badojevaj byŭ jaje były muž Ałan Badojeŭ). Jana taksama brała ŭdzieł u zdymkach jubilejnaha dziasiataha siezona. Ź lutaha 2019 hoda jana viadzie na Pieršym rasijskim kanale teleprahramu ab padarožžach «Žyćcio inšych».
U pačatku 2019 hoda Badojeva raspaviała, što admoviłasia ad ukrainskaha hramadzianstva i vałodaje tolki italjanskim pašpartam. Jaje muž — italjanski biznesoviec, uradženiec Lvova Vasil Mielničyn.
Maksim Hałkin paśla pačatku poŭnamaštabnaha ŭvarvańnia Rasii va Ukrainu źjechaŭ u Izrail razam z žonkaj Ałaj Puhačovaj i dziećmi. Z krasavika 2022 hoda adnaviŭ aktyŭnuju hastrolnuju dziejnaść za miažoj. U vieraśni 2022 hoda Miniust pryznaŭ Hałkina zamiežnym ahientam.