Biełaruś uvajšła ŭ trojku pa kolkaści źniavolenych žurnalistaŭ
14.12.2023 / 8:39
U 2023 hodzie (za 11 miesiacaŭ da 1 śniežnia) pry vykanańni prafiesijnych abaviazkaŭ u śviecie byli zabityja 45 žurnalistaŭ. Pra heta havorycca ŭ štohadovaj spravazdačy arhanizacyi «Reparciory bieź miežaŭ».
Siarod biełaruskich žurnalistaŭ samy hihancki termin atrymaŭ kansultant «Radyjo Svabody» Ihar Łosik — 15 hadoŭ kałonii. Jaho žonku Darju asudzili na dva hady kałonii
Bolš za ŭsio žurnalistaŭ (23 čałavieki) zahinuła ŭ zonach vajennych kanfliktaŭ. Ź ich 17 čałaviek byli zabityja ŭ siektary Haza, Izraili i Livanie, piša «Mieduza».
Va Ukrainie z pačatku 2023 hoda, pavodle źviestak «Reparcioraŭ bieź miežaŭ», zahinuli dva žurnalisty.
Jak adznačajuć aŭtary daśledavańnia, u 2023 hodzie zahinuła mienš žurnalistaŭ, čym hinuli kožny hod z 2002-ha.
U turmie za svaju dziejnaść ciapier znachodzicca 521 žurnalist, padličyli aŭtary dakładu.
Bolš za ŭsio źniavolenych — u Kitai (121) i Mjanmie (68).
U Biełarusi z ulikam tych, chto vyzvaliŭsia z kałonii, — 39 žurnalistaŭ (32 zaraz u źniavoleńni). U Rasii ŭ SIZA i kałonijach znachodziacca 28 žurnalistaŭ.
Za apošnija 20 hadoŭ bolš za ŭsio žurnalistaŭ było zabita ŭ 2012 i 2013 hadach — 144 i 143 čałavieki adpaviedna. U hety čas adbyvalisia najbolš žorstkija bajavyja dziejańni ŭ Siryi i Iraku.
U 2022 hodzie byŭ zabity 61 žurnalist.
Čytajcie taksama:
Žurnalist Andrej Alaksandraŭ u kałonii schudnieŭ na 40 kiłahramaŭ
«Pahladzicie mnie ŭ vočy». Źjaviŭsia poŭny tekst apošniaha słova redaktara Manceviča