Radasłaŭ Sikorski padziakavaŭ Cichanoŭskaj za vinšavańnie i nazvaŭ jaje prezidentkaj
Novapryznačany ministr zamiežnych spraŭ Polščy Radasłaŭ Sikorski ŭ sacyjalnaj sietcy X padziakavaŭ Śviatłanie Cichanoŭskaj za vinšavańnie z pryznačeńniem na pasadu, pry hetym nazvaŭšy jaje prezidentkaj.
14.12.2023 / 16:23
«Dziakuj, prezidentka Cichanoŭskaja. Vaš muž i ŭsie astatnija palitviaźni ŭ Biełarusi — hieroi spravy svabody. Polšča budzie pracavać nad tym, kab adnojčy [jana mahła] pryvitać vas jak niezaležnaha, demakratyčnaha i jeŭrapiejskaha susieda», — napisaŭ Sikorski.
Sikorski ŭznačaliŭ MZS Polščy 13 śniežnia paśla pryviadzieńnia da prysiahi ŭrada na čale z premjer-ministram Donaldam Tuskam.
13 śniežnia Cichanoŭskaja zajaviła, što pryznačeńnie Sikorskaha na pasadu kiraŭnika polskaha zamiežnapalityčnaha viedamstva «daje vialikija nadziei na budučyniu». Jana vykazała nadzieju na chutčejšuju sustreču ź im i «dalejšaje ŭmacavańnie ciesnaha supracoŭnictva».
Sikorski, darečy, simvaličny «chrosny» palitviaźnia Siarhieja Cichanoŭskaha, muža Śviatłany Cichanoŭskaj.
Čytajcie taksama:
Andžej Duda pryvioŭ da prysiahi Donalda Tuska i jahony ŭrad
Novy ministr zamiežnych spraŭ Polščy adkazaŭ na vinšavańnie Łatuški: «Žyvie Biełaruś!»
«Ułady tak spadziavalisia na «pierazahruzku» z Varšavaj paśla vybaraŭ, ale vyhladaje, što daremna»