Nazvali imiony biełarusaŭ, jakija mohuć pajechać na Alimpijadu
Nacyjanalny alimpijski kamitet Biełarusi paviedamiŭ, chto i ŭ jakich vidach sportu budzie pradstaŭlać krainu na letniaj Alimpijadzie ŭ Paryžy ŭ nastupnym hodzie. Usiaho takich naličyli čatyry čałavieki, choć raniej Mižnarodny alimpijski kamitet kazaŭ pra piać.
14.12.2023 / 17:30
Vanesa Kaładzinskaja — adna z čatyroch spartoŭcaŭ, jakija mohuć pajechać na Alimpijadu
Dźvie alimpijskija licenzii ŭ vieraśni 2023 hoda atrymali pradstaŭnica žanočaj baraćby Vanesa Kaładzinskaja i hreka-rymski barec Abubakar Chasłachanaŭ, jakija zaniali, adpaviedna, druhoje i piataje miescy na čempijanacie śvietu ŭ Biełhradzie.
Taksama na Alimpijskija Hulni 2024 hoda mohuć pajechać płyŭčycha Nastaśsia Škurdaj, jakaja zavajavała srebra na etapie Kubka śvietu ŭ Budapiešcie, i pradstaŭnik akademičnaha viesłavańnia Jaŭhien Załaty, jaki zdabyŭ pucioŭku ŭ Paryž na čempijanacie śvietu ŭ Sierbii.
Raniej Mižnarodny alimpijski kamitet paviedamiŭ, što licenzii dla ŭdziełu ŭ Alimpijadzie atrymali piaciora biełaruskich spartoŭcaŭ, adnak ich imionaŭ jon nie nazyvaŭ.
XXXIII Alimpijskija hulni zapłanavana pravieści ŭ Paryžy z 26 lipienia pa 11 žniŭnia 2024 hoda.
Čytajcie taksama:
NAK vitaŭ dopusk da Alimpijady, ale nazvaŭ jaho ŭmovy dyskryminacyjnymi