«Stała jasna, što dvuch tydniaŭ było niedastatkova». Finlandyja znoŭ całkam zakryvaje ŭsie prapusknyja punkty na miažy z Rasijaj
Ministarka ŭnutranych spraŭ Finlandyi Mary Rantanien raskazała na pres-kanfierencyi, što ŭsia miaža Finlandyi z Rasijaj budzie zakrytaja da 14 studzienia 2024 hoda. Zakryjucca runkty propusku na finskaj ŭschodniaj miažy 15 śniežnia ŭ 20:00, paviedamlaje Yle.fi.
14.12.2023 / 21:34
Fota: Steffen Trumpf/picture alliance via Getty Images
Pierad hetym dva pamiežnyja punkty adkrylisia ŭ aŭtorak, 12 śniežnia. Rašeńnie ab ich adkryćci było pryniata dla taho, kab pravieryć, ci praciahnuć na miažu prybyvać novyja mihranty biez naležnych dakumientaŭ. Vyjaviłasia, što pryncypova ničoha nie źmianiłasia.
«Stała jasna, što dvuch tydniaŭ zakrytaha režymu było niedastatkova, — skazała Rantanien. — Vidavočna, što źjava niezakonnaha ŭjezdu adbyvajecca pad upłyvam inšaj dziaržavy i źviazana sa złačynnaściu».
Pa słovach Rantanien, situacyja narmalizujecca tolki tady, kali spynicca płyń ludziej, jakija sprabujuć niezakonna praniknuć u krainu.
Zakryć pamiežnyja punkty, jakija tolki-tolki adkrylisia, urad paprasiła Pamiežnaja słužba. Pryčynaj hetaha stała toje, što 14 śniežnia ŭ punkty pierasiačeńnia miažy prybyŭ u ahulnym liku jak minimum 91 prośbit prytułku, zbolšaha mužčyny.
Čytajcie taksama:
Polskija pamiežniki paviedamili pra vialikuju hrupu mihrantaŭ na biełaruskaj miažy
Nielehały, što pierajšli miažu ź Biełaruśsiu, uryvajucca ŭ damy łatvijcaŭ