Zialenski paviedamiŭ, jakija krainy padajuć Ukrainie novyja pakiety padtrymki
Unačy 15 śniežnia prezident Uładzimir Zialenski źviarnuŭsia da ŭkraincaŭ ź Lvova i paviedamiŭ ab novych pakietach padtrymki ad roznych krain, piša «Ukrainskaja praŭda».
15.12.2023 / 08:16
«Ja viarnuŭsia va Ukrainu, ciapier u Lvovie z rašeńniem pa Jeŭrasajuzie i inšymi rečami, jakija ŭzmocniać supraćpavietranuju abaronu. Pakietaŭ padtrymki taksama budzie bolš. Byŭ dobry samit z paŭnočnymi krainami…», — skazaŭ jon.
«Mocnyja rašeńni: Danija — pakiet na miljard dalaraŭ dla abarony nieba, artyleryja, šmat čaho jašče. Narviehija: novy pakiet na bolš za 400 miljonaŭ dalaraŭ, u pryvatnaści SPA Finlandyja taksama rychtuje novy pakiet. Isłandyja rychtuje prahramu doŭhaterminovaj finansavaj padtrymki — vielmi važkuju. Šviecyja — taksama novy pakiet».
Taksama Zialenski skazaŭ pra «mocnyja zajavy samitu», i što heta «jašče adzin palityčny snarad, jaki nabližaje pieramohu».
Čytajcie taksama:
Vienhryja zabłakavała dapamohu ES Ukrainie na 50 miljardaŭ jeŭra