Затрымалі дацэнта БДУ
Сілавікі прыйшлі да дацэнта кафедры камунікатыўнага дызайну факультэта сацыякультурных камунікацы БДУ Аляксея Семянцова.
15.12.2023 / 12:15
Аляксей Семянцоў. Фота: БДУ
У відэа, выкладзеным сілавікам, Семянцоў кажа, што ў 2020 годзе 3 ці 4 разы прымаў ўдзел у акцыях, падпісаны на экстрэмісцкі канал. Яго таксама вінавацяць у тым, што сябрам з Расіі «распаўсюджваў фэйкі» пра сітуацыю ў Беларусі, зніклых і забітых на пратэстах.
«Важна адзначыць, што інфармацыя пра парушальніка прадастаўлена адказнымі асобамі з БДУ», — дадае ГУБАЗіК.
Семянцову 54 гады. У 1993-м скончыў Акадэмію мастацтваў па спецыяльнасці дызайнера. Член Саюза дызайнераў Беларусі. Ездзіў на стажыроўку ў Барселону. Ва ўніверсітэце працуе больш за 15 гадоў.
У 2011-м атрымліваў падзяку ад Міністэрства культуры, адзначаў яго неаднаразова і БДУ.