Adzin biełarus zahinuŭ, druhi ŭ ciažkim stanie. U Polščy ŭ adnym miescy sutyknulisia až piać hruzavikoŭ
Strašnaje DTZ adbyłosia pad polskim horadam Čenstachova: sutyknulisia adrazu piać hruzavych aŭtamabilaŭ, niekalki mašyn zaharełasia. Dvoje kiroŭcaŭ byli ź Biełarusi. Adzin ź ich zahinuŭ, a druhi — u ciažkim stanie ŭ balnicy, paviedamlaje Most.
15.12.2023 / 23:50
Jak paviedamili ŭ palicyi Čenstachovy, trahiedyja adbyłasia 14 śniežnia kala 18:00. Pavodle papiarednich źviestak, kiroŭca hruzavoha aŭtamabila Scania ŭrezaŭsia ŭ zadniuju častku aŭtamabila, jaki znachodziŭsia ŭ pravaj pałasie ruchu ŭ zatory. Mašyny zaharelisia.
Siła ŭdaru była nastolki vialikaja, što aŭtamabili, jakija sutyknulisia, zakranuli i mašyny, jakija stajać napieradzie. Try hruzaviki atrymali paškodžańni.
41-hadovy kiroŭca Scania zahinuŭ na miescy, a 66-hadovy kiroŭca ciahača Mercedes dastaŭleny ŭ balnicu ŭ ciažkim stanie. Pavodle infarmacyi polskich miedyja, abodva kiroŭcy — biełarusy.
Prakuratura Čenstachovy pačała rasśledavańnie pa fakcie nienaŭmysnaha stvareńnia darožna-transpartnaha zdareńnia.
Čytajcie taksama:
Na trasie ŭ Dziaržynskim rajonie MAZ urezaŭsia ŭ furu. Kiroŭca hruzavika pamior u balnicy
Hadavały chłopčyk, paciarpieły ŭ DTZ na Stolinščynie, pamior u balnicy
Zjaviłasia videa DTZ u Žłobinskim rajonie, dzie zahinuŭ kiroŭca rasijskaha Lexus