Čakańnie kiroŭcaŭ fur na miažy Litvy ź Biełaruśsiu vyrasła da šaści sutak
Takija čerhi fur na ŭjeździe ź Litvy ŭ Biełaruś źjaŭlajucca maksimumam 2023 hoda.
16.12.2023 / 08:59
Ilustracyjnaje fota
Bolš za 1 700 fur stajać u čakańni na miažy Litvy i Biełarusi, na niekatorych pierachodach kiroŭcam daviadziecca čakać propusku šeść sutak, piša TASS.
Tak, učora pa stanie 16:00 na čatyroch KPP dla aŭtamabilnaha transpartu sabrałasia 1 760 vialikahruzaŭ. Čas propusku varjirujecca ad 54 da 142 hadzin.
Samaja vialikaja čarha ŭtvaryłasia na najbolš zapatrabavanym KPP u nasielenym punkcie Miedzininkaj (Miedniki), dzie ŭ 142-hadzinnym čakańni prastojvajuć 710 hruzavikoŭ. Mienš za ŭsio mašyn (260 fur) staić na KPP u Rajhardasie (Pryvałka), ale i im pryjdziecca čakać 54 hadziny.
U minułyja vychodnyja maksimalnaje čakańnie na KPP składała 110 hadzin. Zvyčajna z pačatkam pracoŭnaha tydnia čarha skaračajecca, ale hetym razam takoha nie adbyłosia. U aŭtorak samaje doŭhaje čakańnie składała 128 hadzin.
Takija čerhi fur na ŭjeździe ź Litvy ŭ Biełaruś źjaŭlajucca maksimumam 2023 hoda.