Hrošy biełaruskamu šachmatystu, jaki vystupiŭ suprać hvałtu, na čempijanat śvietu ŭ Samarkand sabrali za sutki
Z-za svajoj hramadzianskaj pazicyi Uładzisłaŭ Kavaloŭ nie maje padtrymki Biełaruskaj federacyi šachmat, tamu na čempijanat śvietu pa rapidzie i blicy, što projdzie va Uźbiekistanie z 25 pa 30 śniežnia, budzie zajaŭleny ad Mižnarodnaj fiederacyi šachmat. Usie vydatki dla padrychtoŭki i ŭdziełu ŭ ČS Uładzisłaŭ vymušany pakryvać samastojna.
16.12.2023 / 09:10
Učora była abvieščana suma zboru — 1600 dalaraŭ (1470 jeŭra). Heta suma pakryvała b vydatki na padrychtoŭku, raźmiaščeńnie i arhanizacyjnyja pytańni ŭ časie ŭdziełu ŭ čempijanacie śvietu.
Uładzisłaŭ Kavaloŭ — padpisant adkrytaha lista biełaruskich spartoŭcaŭ suprać hvałtu, a taksama padpisant mižnarodnaj antyvajennaj dekłaracyi spartoŭcaŭ.
Pa stanie na ranicu suboty sabrana 1500 jeŭra, zroblena 38 achviaravańniaŭ. Ale zbor praciahvajecca.