Łukašenka pavinšavaŭ Papu Francyska z dniom naradžeńnia
Na fonie paharšeńnia situacyi sa svabodaj vieravyznańnia ŭ Biełarusi Alaksandr Łukašenka pavinšavaŭ Papu Francyska z 87-m dniom naradžeńnia i 70-hodździem śviatarskaha paklikańnia.
17.12.2023 / 09:17
Alaksandr Łukašenka, Mikałaj i Papa Rymski Francysk padčas sustrečy ŭ Vatykanie, 21 maja 2016 hoda
«Na praciahu mnohich hadoŭ vy niastomna niesiacie śvietu śviatło, dabro i luboŭ, dzialiciesia mudraściu, addajacie kožnamu kavałačak svajho serca», — havorycca ŭ vinšavańni.
Łukašenka padziakavaŭ Francysku za jaho malitvy i kłopat pra Biełaruś i jaje viernikaŭ, družbu i pavahu. «Ź ciapłom uspaminaju našu sustreču i ščyruju razmovu», — napisaŭ Łukašenka.
Supracoŭnictva sa Śviatym Pasadam mieła i ŭ dalejšym budzie mieć asablivuju značnaść dla Biełarusi, dadaŭ Łukašenka.
«Niahledziačy na pieraškody, ź jakimi my sutykajemsia, Minsk i Vatykan imknucca da zachavańnia ŭstojlivaha miru, zasnavanaha na pryncypach spraviadlivaści i raŭnapraŭja dla krain śvietu. Uzajemnaja padtrymka realizacyi takich met daje nadzieju, što naš sumiesny hołas budzie pačuty», — dadaŭ jon.
Situacyja sa svabodaj vieravyznańnia ŭ Biełarusi praciahvaje paharšacca pa miery taho, jak Alaksandr Łukašenka padparadkoŭvaje sabie ŭsie aśpiekty hramadskaha žyćcia. U krainie zatrymlivajuć śviataroŭ i viernikaŭ. U vieraśni 2022 hoda čynoŭniki zakryli minski kaścioł Śviatych Symona i Aleny (Čyrvony kaścioł) paśla zahadkavaha pažaru, jaki ŭspychnuŭ u nievialikaj prybudovie. Z tych časoŭ kaścioł zastajecca začynienym na ramont.