Biełaruskaja mabilnaja prahrama dla ekałahičnych padarožžaŭ trapiła ŭ top-3 u Google Play

Mabilnaja prahrama BY Guide, raspracavanaja startapam Parku vysokich technałohij, uvajšła ŭ top-3 rejtynhu Google Play u katehoryi «Padarožžy». Pra heta piša Office Life sa spasyłkaj na pres-słužbu PVT.

17.12.2023 / 23:22

Mabilnaja prahrama BY Guide pryznačana dla ekałahičnych padarožžaŭ pa Biełarusi. U joj sabrany śpis maršrutaŭ z apisańniem i fatahrafijami słavutaściaŭ, jakija možna ŭbačyć pa darozie. Ustalavany i GPS-trekier, jaki dapamoža padarožnikam aryjentavacca na miascovaści.

U prahramy ŭžo bolš za 7 tys. karystalnikaŭ. Zaraz u joj dastupna 85 ekołaha-turystyčnych maršrutaŭ, zapłanavana da raźmiaščeńnia jašče bolš za 300 ekaściežak i viełamaršrutaŭ pa ŭsich rehijonach krainy. Darečy, kožny novy maršrut u servis dadajuć tolki paśla taho, jak kamanda startapa sama pratestuje turystyčny abjekt.

Asablivaści servisu — navihacyja biez dostupu ŭ internet i padzieł maršrutaŭ pa vidach dla roznych katehoryj padarožnikaŭ, naprykład, ludziej z parušeńniem zroku ci siemjaŭ ź dziećmi i žyviołami.

Ciapier u płanach u BY Guide — stvaryć viersiju dla iOS, a taksama zapuścić aŭdyjahidy da roznych słavutaściaŭ.

Čytajcie taksama:

U Minsku staviać kantejniery dla zboru ŭpakoŭki ad čypsaŭ i sucharykaŭ. Jak heta pracuje i što potym zrobiać z hetym śmiećciem?

Ekołahi źviarnulisia da Papy Franciška ź niezvyčajnaj prapanovaj

Pa Hrodnie z aŭdyjahidam. Vałanciory raspracoŭvajuć prahramu, kab raskazać pra svoj horad

Nashaniva.com