Олаф Шольц чарговы раз захварэў на каранавірус
«Гэта відавочна не той сюрпрыз, якому я рады», — напісаў канцлер Нямеччыны.
18.12.2023 / 14:16
Олаф Шольц. Фота: Michael Sohn / AP
«Мае аналізы Covid-19 паказваюць дзве палоскі. Паколькі сімптомаў мала, я разлічваю на лёгкае цячэнне, пакуль што проста працую за сваім сталом», — напісаў ён у твітары.
Заўтра канцлер Нямеччыны павінен быў сустрэцца з прэм'ер-міністрам Славакіі Робертам Фіца, а ў сераду — старшынстваваць на пасяджэнні федэральнага кабінета міністраў. Ці паўплывае хвароба на планы Шольца, пакуль што незразумела.
Упершыню Шольц перахварэў на каранавірус у верасні 2022 года. Тады ў яго назіраліся толькі слабыя сімптомы, ён працягнуў працаваць з дому, піша Bild.
Чытайце таксама:
Не толькі ў Беларусі. У краінах ЕС знішчылі вакцын супраць кавіду на чатыры мільярды еўра
Шольц прапанаваў Орбану выйсці на каву, пакуль абмяркоўваецца шлях Украіны ў ЕС
Шольц, як і хацеў, атрымаў порцыю мемаў праз фота з павязкай