«Usia terytoryja budzie pad videanazirańniem». U MUS raspaviali pra padrychtoŭku da vybaraŭ
Adkazvajučy na pytańnie STB, kali milicyja piarojdzie na ŭzmocnieny varyjant słužby, načalnik adździeła hałoŭnaha ŭpraŭleńnia achovy pravaparadku i prafiłaktyki Ministerstva ŭnutranych spraŭ Uładzimir Stanilevič raspavioŭ, što ŭ viedamstvie pačali sumiesnuju pracu z vybarkamami i miascovymi orhanami ŭłady, źviazanuju z ustanoŭkaj videanazirańnia.
19.12.2023 / 13:41
Načalnik adździeła hałoŭnaha ŭpraŭleńnia achovy pravaparadku i prafiłaktyki Ministerstva ŭnutranych spraŭ Uładzimir Stanilevič. Skryn: STB
— U Minsku, u abłasnych centrach usia prylehłaja terytoryja budzie pad videanazirańniem, — skazaŭ Stanilevič.
Pavodle jaho, milicyja nie pavinna być usiudy, ale «jana pavinna być usioviduščaj».
25 lutaha ŭ Biełarusi projdzie tak zvany Adziny dzień hałasavańnia — vybary ŭ saviety deputataŭ roznych uzroŭniaŭ.
Ułady nieadnojčy padkreślivali, što vybary pavinny prajści «zładžana i arhanizavana». Asobaja rola ŭ hetym adviedziena siłavikam.