U Majami adkryjecca vystava biełaruskich mastačak, jakija ŭdzielničali ŭ Burning Man
U halerei ŭ Saŭt-Pojncie na Majami-Bič užo zaŭtra, 20 śniežnia, projdzie adkryćcio vystavy Propoethic Dreams. U ekspazicyi pradstaŭleny žyvapis i videapracy Hanny Silivončyk i skulpturnyja kampazicyi Maryi Tarleckaj.
19.12.2023 / 20:16
Naviedać vystavu možna ŭžo ciapier. Prajekt staŭ vynikam zaprašeńnia biełaruskich mastačak na rezidencyju ŭ Majami ad THINK+feel Contemporary Art Gallery.
«Šukajučy siužety i vyrašeńni mastackich prablem abo daśledujučy hłybini čałaviečaj psichałohii ŭ svaim tvorčym pracesie, Hanna źviartajecca da archietypaŭ, znojdzienych u kazkach, mifach i svajoj rodnaj kultury, zachoŭvajučy suviazi z mastactvam XX stahodździa. Jaje tvorčaść prasiaknuta pazityŭnaj enierhietykaj — ad jaje vieje radaściu, luboŭju i harmonijaj», — apisvaje tvorčaść Silivončyk THINK+feel Contemporary Art Gallery.
Raniej u hetym hodzie Hanna Silivončyk i Maryja Tarleckaja ŭziali ŭdzieł u fiestyvali Burning Man, jaki prachodzić štohod u pustyni Błek Rok, štat Nievada.
Čytajcie taksama:
Samy šalony karnavał. Jak prajšoŭ biełaruski Burning Man
Na suśvietna viadomy Burning Man upieršyniu pajeduć dźvie biełaruskija mastački