Улады пагражаюць Святлане Алексіевіч забраць яе мінскую кватэру
Пра тое, што сілавікі пагражаюць Святлане Алексіевіч забраць яе мінскую кватэру, якую яна купіла на грошы ад Нобелеўскай прэміі ў доме Чыжа ў Мінску, паведаміла Святлана Ціханоўская.
20.12.2023 / 08:17
«Сусветна вядомая беларуская пісьменніца і лаўрэат Нобелеўскай прэміі Святлана Алексіевіч ужо была вымушаная адправіцца ў выгнанне. Цяпер рэжым пагражае адабраць у яе мінскую кватэру ў якасці чарговага акту помсты. Тую самую кватэру, дзе еўрапейскія дыпламаты сабраліся, каб абараніць яе ў 2020 годзе», — напісала яна ў X.
Святлана Алексіевіч пасля прэзідэнцкіх выбараў увайшла ў прэзідыум Каардынацыйнай рады ў 2020 годзе і зазнала ціск уладаў. Каб абараніць Алексіевіч ад ператрусу і затрымання, да яе ў кватэру прыехалі дыпламаты розных краін. У верасні 2020 года яна была выехала з Беларусі. Спачатку яна казала, што паехала ў Берлін на запрашэнне Германскай службы акадэмічных абменаў (DAAD). Але пасля каментавала, што вернецца дадаому толькі пасля змены ўлады ў Беларусі.