U Padmaskoŭi baćku čatyroch dziaciej zabiła ŭ čarzie ŭ vajenkamat
34-hadovy Fiodar Kuźmin pamior siońnia ranicaj u špitali ŭ Lubiercach ad traŭmaŭ, niesumiaščalnych z žyćciom.
21.12.2023 / 11:30
Mužčyna pryjšoŭ učora ŭ vajenkamat, kab stać na ŭlik pa miescy rehistracyi, piša Mash.
Tam sabrałasia niemałaja čarha takich ža vajennaabaviazanych.
U niejki momant z dachu ŭpała niekalki kavałkaŭ lodu prosta na hałovy ludziam. Traŭmy atrymali čatyry čałavieki. Paśla ahladu miedykaŭ usich pavieźli ŭ niejrachirurhičnaje adździaleńnie. Dvoje z paciarpiełych byli ŭ ciažkim stanie.
U Fiodara Kuźmina dyjahnastavali razryŭ piečani i pierałom rebraŭ — z 6-ha pa 9-je. Adno ź ich pratknuła lohkaje, što vyklikała mocny kryvaciok, i siońnia ranicaj jon pamior.
Razam ź im u čarzie była žonka, jakaja taksama atrymała traŭmy.
Doma ŭ pary zastałosia čaćviora dziaciej — 4, 7, 14 i 16 hadoŭ.