У Карлавым універсітэце ў Празе стралялі
Відавочцы паведамляюць пра страляніну ў цэнтры Прагі, у будынку філасофскага факультэта Карлава ўніверсітэта. Паводле паведамленняў мясцовай прэсы, з яго выбягалі людзі з паднятымі рукамі. Паведамляецца пра загінулых і параненых, афіцыйна гэтая інфармацыя не пацвярджалася, піша «Радыё Свабода».
21.12.2023 / 17:53
На месцы працуюць паліцыя і выратавальныя службы, туды выехаў міністр унутраных спраў краіны Віт Раўшан.
Супрацоўнікам паведамілі, што па будынку можа перасоўвацца стралок з агнястрэльнай зброяй, паведаміў адзін з відавочцаў «Радыё Свабода». Асобу меркаванага нападніка не раскрываюць, матывы не вядомыя.