U vyniku stralaniny ŭ Prazie paciarpieli dziasiatki čałaviek, 11 zahinuli
Pavodle infarmacyi miedykaŭ, u vyniku stralaniny ŭ adnym z budynkaŭ Karłava ŭniviersiteta ŭ Pravie zahinuli 11 čałaviek (u tym liku sam strałok), 30 atrymali ranieńni.
21.12.2023 / 19:38
Studenty chavajucca ad strałka na parapiecie budynka
«Strałok likvidavany! Ciapier uvieś budynak evakuirujecca, na miescy zdareńnia niekalki zahinułych i dziasiatki paranienych», — havaryłasia ŭ paviedamleńni palicyi.
Strałkom, pavodle najaŭnaj infarmacyi, byŭ student-historyk David Kozak.
Ciapier na miescy zdareńnia pracujuć palicyja, miedyki i pažarnyja. Kiraŭnik MUS Čechii Vit Rakušan zajaviŭ, što złačyniec, jaki ŭčyniŭ stralbu va ŭniviersitecie, dziejničaŭ u adzinočku.
«Prysutnaść druhoha strełka paćvierdžanaja nie była», — zajaviŭ jon u efiry kanała ČT24.
Premjer krainy Piotr Fijała paśla taho, što adbyłosia, admianiŭ svaju pracoŭnuju prahramu ŭ horadzie Ałamoŭc i pryniaŭ rašeńnie viarnucca ŭ stalicu. Jon dadaŭ, što ciapier padtrymlivaje kantakt z kiraŭnikom MUS i pravaachoŭnikami.
Studentaŭ evakujujuć z budynka, dzie adbyłasia stralanina. Fota: Gabriel Kuchta/Getty Images
Karłaŭ univiersitet — viadučaja VNU Čechii. Akramia taho, jon najstarejšy ŭniviersitet u Centralnaj i Uschodniaj Jeŭropie, jaho zasnavaŭ karol Karł IV Luksiemburhski ŭ 1348 hodzie.
Čytajcie taksama:
Mužčyna, jaki zastreliŭ dvuch čałaviek u centry Brusela, pamior u balnicy
U ZŠA žančyna ŭčyniła stralaninu ŭ škole, zahinuli 6 čałaviek