Kolkaść zahinułych padčas stralaniny ŭ Prazie ŭzrasła da 15-ci
Kiraŭnik palicyi Čechii Marcin Vondrašak zajaviŭ, što pa stanie na viečar 21 śniežnia kolkaść zahinułych u vyniku stralaniny ŭ Karłavym univiersitecie Prahi pieravysiła 15 čałaviek, a jašče 24 znachodziacca pad nahladam lekaraŭ. Pra heta Vondrašak skazaŭ na ekstranym bryfinhu, jaki tranślavała Češskaje telebačańnie, paviedamlaje «Jeŭrapiejskaja praŭda».
21.12.2023 / 20:37
Fota: Gabriel Kuchta/Getty Images
Pa słovach kiraŭnika češskaj palicyi, apieracyja pravaachoŭnikaŭ praciahvajecca. U pryvatnaści, jany abśledujuć budynak Karłava ŭniviersiteta na pradmiet mahčymaj vybuchoŭki.
Vondrašak dadaŭ, što palicyja mieła infarmacyju pra strałka — 24-hadovaha mužčynu, jaki ranicaj u čaćvier vyjechaŭ u Prahu ź vioski Hostuń nibyta z namieram skončyć žyćcio samahubstvam.
«U vioscy, ź jakoj jon źjechaŭ, znajšli miortvaha mužčynu, heta byŭ baćka napadnika», — skazaŭ ministr.
Fota: Gabriel Kuchta/Getty Images
Ministr unutranych spraŭ Čechii Vit Rakušan, jaki taksama byŭ na bryfinhu, nazvaŭ trahiedyju ŭ Prazie biesprecedentnaj i takoj, što «budzie mieć šmat nastupstvaŭ».
«Pa stanie na ciapierašni momant niama nijakich prykmiet taho, što hety akt maje jakuju-niebudź suviaź ź mižnarodnym teraryzmam», — zajaviŭ jon.
Viadoma, što ŭrad Čechii praviadzie ekstrannaje pasiadžeńnie ŭ 21:00 (23:00 pa Minsku).
Čytajcie taksama:
U vyniku stralaniny ŭ Prazie paciarpieli dziasiatki čałaviek, 11 zahinuli
U Karłavym univiersitecie ŭ Prazie stralali, jość zahinułyja