Kiraŭnik MZS Polščy svoj pieršy vizit skłaŭ va Ukrainu
U Kijeŭ pryjechaŭ novy ministr zamiežnych spravaŭ Polščy Radasłaŭ Sikorski.
22.12.2023 / 11:43
Jon paviedamiŭ, što heta jahony pieršy vizit za miažu z momantu pryznačeńnia na pasadu. Sikorski na minułym tydni staŭ ministram zamiežnych spraŭ u kaalicyjnym uradzie Donalda Tuska.
Sikorski byŭ ministram zamiežnych spraŭ Polščy ŭ 2007—2014 hadach.
U listapadzie 2010 hoda, za miesiac da prezidenckich vybaraŭ, jon razam ź ministram zamiežnych spraŭ Niamieččyny Hida Viesterviele pryjazdžaŭ u Minsk. Ministry sprabavali ŭhavaryć Łukašenku pravieści vybary pa demakratyčnych standartach i vykonvać pravy čałavieka, paabiacaŭšy ŭzamien ekanamičnaje supracoŭnictva.
Adnak Płošča-2010 była žorstka razahnana, siem kandydataŭ u prezidenty apynulisia za kratami, a Andrej Sańnikaŭ i Mikoła Statkievič atrymali paśla realnyja terminy.