Pucin čakaje Łukašenku ŭ Pieciarburhu na katalickija Kalady
Tradycyjny niefarmalny samit kiraŭnikoŭ SND projdzie 26 śniežnia.
22.12.2023 / 16:05
Udzielniki samitu ŭ minułym hodzie. Fota: kremlin.ru
Prezident Rasii Uładzimir Pucin čakaje svaich kaleh z krain SND u kancy śniežnia na niefarmalnaj sustrečy ŭ Sankt-Pieciarburhu. Tradycyjny niefarmalny samit kiraŭnikoŭ SND sioleta projdzie 26 śniežnia, piša vydańnie «Dziełavy Pieciarburh».
Ab samicie kiraŭnik Rasii nahadaŭ u svaim zvarocie da ŭdzielnikaŭ pasiadžeńnia Savieta kiraŭnikoŭ uradaŭ SND.
Taksama Pucin nahadaŭ, što 1 studzienia staršynstva ŭ SND pierachodzić da Rasii. Asablivuju ŭvahu nadaduć pytańniu «źbieražeńnia ruskaj movy».
Hienieralny sakratar SND Siarhiej Lebiedzieŭ kazaŭ raniej, što Pucin zaprasiŭ svaich kalehaŭ na samit u Pieciarburhu, kab «parazmaŭlać u niefarmalnaj abstanoŭcy, abmierkavać aktualnyja pytańni, abmianiacca dumkami».
U minułym hodzie niefarmalny samit lidaraŭ krain SND adbyŭsia ŭ Pieciarburhu 26-27 śniežnia.
U im uziali ŭdzieł kiraŭniki RF, Biełarusi, Azierbajdžana, Kazachstana, Tadžykistana, Turkmienistana, Kyrhyzstana, Uźbiekistana i Armienii.