Estonija hatova vydavać Ukrainie mužčyn pryzyŭnoha ŭzrostu
«Kali heta treba Ukrainie, Estonija moža zaniacca pošukam hetaha čałavieka i vydačaj jaho Ukrainie», — zajaviŭ ministr unutranych spraŭ Łaŭry Laeniemiets.
23.12.2023 / 14:27
Łaŭry Laeniemiets. Fota: instahram palityka
Ministerstva abarony Ukrainy paviedamiła pra płan pryzyvać na vajskovuju słužbu mužčyn-ukraincaŭ, jakija znachodziacca za miažoj. Estonija ž nieadnarazova chacieła ŭkłaści z Ukrainaj pahadnieńnie ab vydačy ŭciekačoŭ siarod mužčyn mabilizacyjnaha ŭzrostu.
«Kali heta treba Ukrainie, Estonija moža zaniacca pošukam hetaha čałavieka i vydačaj jaho Ukrainie. U cełym my viedajem, dzie hetyja ludzi znachodziacca, čym jany zajmajucca. Bolšaść chodzić na pracu, maje miesca žycharstva ŭ Estonii», — pieradaje RusERR słovy ministra ŭnutranych spraŭ Łaŭry Laeniemietsa.
Choć aficyjnaha zapytu ad Ukrainy nie pastupała, MUS nieadnarazova źviartałasia jak da ŭkrainskaha pasła, tak i da ministra ŭnutranych spraŭ Ukrainy z prośbaj u vypadku nieabchodnaści paviedamić pra ŭciekačoŭ, jakija znachodziacca ŭ krainie.
U nastupnyja dni Laeniemiets taksama ŭniasie piśmovuju prapanovu ab układańni pahadnieńnia pamiž dźviuma krainami.