Zatrymali byłoha prakurora Eldara Safarava i jahonuju žonku
Pavodle papiaredniaj infarmacyi, zatrymańnie adbyłosia na minułym tydni, piša «Viasna». Safaravu i jahonaj žoncy, advakatcy Julii Stankievič, inkryminavany «narodny» artykuł 342 KK. Dzie ich utrymlivajuć — nieviadoma.
23.12.2023 / 18:32
Eldar Safaraŭ viadomy svajoj pracaj na šerahu hučnych sudovych pracesaŭ. U 2010 hodzie jon byŭ prakuroram na sudovym pracesie pa palityčna matyvavanaj spravie pradprymalnika z Vaŭkavyska Mikałaja Aŭtuchoviča.
Syšoŭ z orhanaŭ Safaraŭ vosieńniu 2020-ha. U kamientary žurnalistam jon tady skazaŭ:
«Tak, moj sychod źviazany z padziejami leta i vosieni. Ale ŭ sistemie zastajecca šmat vydatnych ludziej, i kiraŭnikoŭ, i padnačalenych, tamu hetym kamientarom ja i abmiažujusia — nie chaču supraćpastaŭlać siabie im, nie chaču, kab choć adno słova było vykarystana suprać ich».
Čytajcie taksama:
Zvolniŭsia aŭtarytetny prakuror, pałkoŭnik justycyi Eldar Safaraŭ
U Brasłavie zatrymali supracoŭnikaŭ Muzieja tradycyjnaj kultury