Były dyrektar Muzieja historyi Mahilova Alaksiej Baciukoŭ vyjechaŭ ź Biełarusi paśla adsiedžanych sutak
Pavodle infarmacyi MAYDAY TEAM, Alaksiej Baciukoŭ prabyŭ 15 sutak u Mahiloŭskim IČU. Pa vychadzie jon pakinuŭ terytoryju krainy z-za pahrozy kryminalnaha pieraśledu.
24.12.2023 / 10:53
Baciukova zatrymali padčas abłavy KDB 5-6 śniežnia. Abłavu ździejśnili na ludziej, jakich siłaviki źviazali z mahiloŭskim partałam mogilev.media. Paśla brutalnaha zatrymańnia jon byŭ dapytany supracoŭnikami KDB u jakaści padazravanaha pa dźviuch kryminalnych spravach. Adnak pratakoł byŭ składzieny pavodle administracyjnaha artykuła za łajk u internecie.
Padčas aryštu čekisty dvojčy pryjazdžali da Alaksieja Baciukova dla dopytaŭ.
Jaho prymusili pry ich telefanavać redaktaru partała 6TV Dźmitryju Sałaŭjovu. Zapis razmovy pakazali na abłasnym telebačańni.
Alaksiej Baciukoŭ z 2011 hoda zajmaŭ pasadu dyrektara Muzieja historyi Mahilova. Šmat u čym dziakujučy jamu ŭ Biełaruś udałosia viarnuć Statut VKŁ i inšyja ŭnikalnyja artefakty. U 2012 hodzie byŭ pryznany «Čałaviekam hoda» pa viersii haziety «Naša Niva».
U studzieni 2021 hoda z Alaksiejem Baciukovym nie praciahnuli pracoŭny kantrakt. Pryčynaj stała toje, što navukoviec vystupiŭ suprać hvałtu siłavikoŭ paśla vybaraŭ 2020 hoda.