Na ŭźbiarežža Danii vykinuła šmat abutku i chaładzilniki
Kantejnieravoz dackaj transpartnaj kampanii Maersk trapiŭ u štorm u Paŭnočnym mory, u vyniku čaho źmieściva častki kantejnieraŭ vymyła na paŭnočnaje ŭźbiarežža Danii.
24.12.2023 / 22:35
Fota: plažny prystaŭ Tomas Duurłu
Pra heta sa spasyłkaj na dackija ŚMI paviedamlaje «Jeŭrapiejskaja praŭda».
Kantejnieravoz Mayview Maersk trapiŭ u štorm «Pija» ŭ Paŭnočnym mory, pra što stała viadoma ŭ piatnicu 22 śniežnia. Sudna nakiroŭvałasia ź niamieckaha Bremiehaviena ŭ polski partovy horad Hdańsk, kudy pavinna było prybyć 24 śniežnia.
Bolš za 40 kantejnieraŭ, pavodle acenak dackich ŚMI, zmyła ŭ mora, pryčym častku ź ich užo prybiła da paŭnočnaha ŭźbiarežža Danii.
Siarod hruzu, jaki apynuŭsia na bierazie, — abutak, chaładzilniki, lekavyja tavary, detali ad cacak i da taho padobnaje.
Zhodna z zakanadaŭstvam Danii, usie hetyja rečy ličacca ŭłasnaściu kampanii Maersk, tamu nahladčyki na plažach čakajuć, pakul pradstaŭniki kampanii ź imi źviažucca i źbiaruć ich — tym bolš, što salonaja vada raźjadaje niekatoryja ź ich.
Niekatoryja ŭsio roŭna sprabujuć skraści vymytyja na bierah rečy. U subotu ŭviečary Palicyja Paŭnočnaj Jutłandyi kanfiskavała 14 kampresaraŭ, jakija, imavierna, sprabavali zabrać ź bieraha ŭ siale Błochus na paŭnočnym uźbiarežžy.