U Mikaševičach zatrymali Aleha Stachajeviča
Pa infarmacyi «Bieraściejskaja viasny», z 2020 hoda były lidar niezaležnaha prafsajuza na pradpryjemstvie «Hranit» žyŭ u Litvie, a časam jeździŭ u Biełaruś. Voś i ŭ listapadzie jon pajechaŭ na radzimu «na try tydni» (jak skazaŭ siabram).
27.12.2023 / 21:49
12 listapada Aleh Stachajevič uziaŭ udzieł u krosie Bison XC na 5000 mietraŭ u Siličach, a niedzie praz tydzień byŭ zatrymany.
Spačatku mužčyna pa administracyjnym artykule byŭ asudžany na 15 sutak, ale pa skančeńni terminu na volu nie vyjšaŭ. Pa infarmacyi ad blizkich, u dačynieńni da Aleha raspačali aficyjnuju pravierku «na mahčymuju datyčnaść da ekstremisckaj dziejnaści».
U pačatku 2010-ch Stachajevič pracavaŭ na mikaševickim pradpryjemstvie «Hranit». U 2011 hodzie rabočyja sprabavali stvaryć tam niezaležny prafsajuz, Stachajevič staŭ lidaram hetaj supołki. Ale nieŭzabavie jaho, jak i inšych aktyvistaŭ, zvolnili z pradpryjemstva.
Čytajcie taksama:
«Boha niama, RPC — h***». Siłaviki zatrymali vartaŭnika haražnaha kaapieratyva
U Lidzie barda Siarhieja Čarniaka adpravili za kraty za «raspaŭsiud ekstremisckich materyjałaŭ»