Kim Čen Yn zahadaŭ vajskoŭcam paskoryć padrychtoŭku da vajny
28.12.2023 / 9:14
Lidar KNDR taksama zajaviŭ, što Pchieńjan pašyryć stratehičnaje supracoŭnictva z «antyimpieryjalistyčnymi niezaležnymi» krainami.
Kim Čen Yn. Fota: Korean Central News Agency / Korea News Service via AP
Lidar Paŭnočnaj Karei Kim Čen Yn zahadaŭ svaim vajskoŭcam, vytvorcam bojeprypasaŭ i jadziernaj zbroi paskoryć padrychtoŭku da vajny, kab supraćstajać tamu, što jon nazvaŭ biesprecedentnymi kanfrantacyjnymi krokami z boku ZŠA.
«Jon (Kim) pastaviŭ bajavyja zadačy dla Narodnaj armii i pramysłovaści bojeprypasaŭ, jadziernaj zbroi i siektaraŭ hramadzianskaj abarony, kab jašče bolš paskoryć padrychtoŭku da vajny», piša Reuters.com
Havoračy ab napramkach palityki na Novy hod na klučavym pasiadžeńni kiroŭnaj partyi ŭ sieradu, Kim taksama zajaviŭ, što Pchieńjan pašyryć stratehičnaje supracoŭnictva z «antyimpieryjalistyčnymi niezaležnymi» krainami.
Kim taksama vykłaŭ ekanamičnyja mety na 2024 hod, nazvaŭšy jaho «vyrašalnym hodam « dla vykanańnia piacihadovaha płana raźvićcia krainy.
Šmatdzionnyja schody partyjnych i ŭradavych čynoŭnikaŭ u apošnija hady vykarystoŭvalisia dla taho, kab rabić klučavyja palityčnyja zajavy.