«Usio adno my ŭsie pamrom». Pazaštatnaja radnica Załužnaha skazała hłupstva, jon adreahavaŭ pa-vajskovamu radykalna
U publičnaj prastory Ukrainy z-za dziŭnych vykazvańniaŭ pazaštatnaj radnicy hałoŭnakamandujučaha USU Valeryja Załužnaha ŭźnik skandał, jaki musiŭ chutka i rašuča vyrašać sam jaje šef.
29.12.2023 / 22:08
Ała Martyniuk padčas skandalnaha intervju
Pazaštatnaja radnica Valeryja Załužnaha Ała Martyniuk, sprabujučy padčas intervju pierakanać nasielnictva, što nie treba bajacca maštabnaj mabilizacyi, zrabiła heta vielmi niazhrabna i vyklikała abureńnie. Jana skazała siarod inšaha:
«Nie patrebnaja heta isteryja… Usio adno my ŭsie pamrom. My ŭsie nie viečnyja. Ale navat kali tak staniecca, pajści z žyćcia hodna — heta našmat lepš, čym iści pa vulicy i na ciabie ŭpadzie cahlina».
Uźnikłuju ŭ vyniku chvalu abureńnia musiŭ tušyć sam Załužny, i zrabiŭ heta pa-vajskovamu radykalna. Ad jaho imia źjaviłasia karotkaje paviedamleńnie:
«Dla praduchileńnia manipulacyj u mas-miedyja chaču adznačyć:
Pazaštatnyja pamočniki nie mieli paŭnamoctvaŭ publična kamientavać jakija-niebudź pytańni ad imia hałoŭnakamandujučaha Uzbrojenych Sił Ukrainy, a skazanaje imi źjaŭlajecca vyklučna ich ułasnym mierkavańniem».
Taksama Załužny paviedamiŭ, što z 28 śniežnia 2023 hoda ŭ jaho niama bolš nijakich pamočnikaŭ-kansultantaŭ na hramadskich pačatkach.
Čytajcie taksama:
Załužny raskazaŭ, u čym była jahonaja hałoŭnaja pamyłka
Załužny paviedamiŭ, što USU adyšli ad Marjinki, jakoj «bolš niama»
Zialenski raskazaŭ pra paŭmiljonnuju mabilizacyju i adnosiny z Załužnym