Аператару Ціханоўскага адмовілі ў палітычным прытулку ў Швецыі. Ён баіцца, што яго дэпартуюць у Беларусь
Канстанціну Сярогіну ўдалося пазбегнуць крымінальнага пераследу і пакінуць Беларусь.
30.12.2023 / 13:45
Канстанцін Сярогін з сынам
Канстанціна Сярогіна затрымлівалі з другім аператарам Арцёмам Сакавым, якога асудзілі ў выніку да 16 гадоў калоніі, у чэрвені 2020 года. Але яму ўдалося пазбегнуць крымінальнага пераследу і збегчы з Беларусі. Так Канстанцін з сям'ёй праз некаторы час апынуўся ў Швецыі. Ён прасіў прадаставіць палітычны прытулак у сувязі з ягоным пераследам на радзіме, але днямі яму адмовілі. Канстанцін вельмі хвалюецца, што яго з сям'ёй могуць дэпартаваць у Беларусь, піша «Вясна».
«Гэта самае жудаснае, што я мог ад іх пачуць. Я вельмі гэтым узрушаны. І гэта пасля больш 22 гадзін інтэрв'ю і масы прадстаўленых доказаў з майго боку. Справу яны пачалі разглядаць 4 снежня, і, па сутнасці, яны прынялі рашэнне за 2 тыдні па такім вялізным і аб'ёмным кейсе. Цяпер мяне і сям'ю хочуць адправіць у Беларусь.
Я б хацеў прыцягнуць увагу грамадскасці і максімальна асвятліць гэтае бязмежжа з іх боку і безадказнае стаўленне да нашых жыццяў».
Чытайце таксама:
Сям’ю ўцекачоў з Беларусі ўлады Літвы вывезлі ў Польшчу. Чаму так адбылося