Супраць палітвязня Алега Рубца завялі новую крымінальную справу. Ён зноў у ШІЗА
У чэрвені 2022 года па рашэнні суда жыхара Пінска, асуджанага да пяці з паловай гадоў калоніі, перавялі з калоніі ў жодзінскую турму № 8.
30.12.2023 / 16:01
Ужо некалькі месяцаў запар Алега ўтрымліваюць у ШІЗА. А цяпер ягоныя сваякі ў сваіх сацыяльных сетках паведамілі, што супраць хлопца завялі крымінальнаю справу паводле арт. 411 КК (злоснае непадпарадкаванне патрабаванням адміністрацыі турмы):
«…Зноў ШІЗА, невядома на колькі, і самае сумнае, на Алега завялі новую крымінальную справу па 411 артыкуле (злоснае парушэнне рэжыму), відаць, паўгода ў ШІЗА не прамінулі дарма…Яму пагражае даданне да ўжо існага тэрміну (да двух гадоў)».
Падтрымайце палітвязня: Следчая турма № 8, 222163, г. Жодзіна, вул. Савецкая, 22А, Алег Віктаравіч Рубец.
Чытайце таксама:
Палітвязнямі прызналі яшчэ 14 чалавек
У Мёрах за «экстрэмізм» аштрафавалі дырэктара мясцовай ЖКГ
Па вяртанні з-за мяжы затрымалі берасцейца, які прыехаў у Беларусь на святы