U navahodniuju noč Rasija atakavała Ukrainu rekordnaj kolkaściu dronaŭ-kamikadze
Ukrainskaja supraćpavietranaja abarona źbiła 87 z 90 bieśpiłotnikaŭ.
01.01.2024 / 15:18
Žycharka doma ŭ Kijevie hladzić na nastupstvy ŭdaru bieśpiłotnikam 23 śniežnia 2023 hoda. Sergei Chuzavkov/SOPA Images/LightRocket via Getty Images
U navahodniuju noč rasiejskija vojski zapuścili pa Ukrainie 90 udarnych dronaŭ typu Shahed-136/131, što stała rekordam z pačatku vajny, paviedamili pavietranyja siły USU.
Pavietranaja tryvoha była abvieščanaja ŭ bolšaści rehijonaŭ krainy kala 23:30. Ataka ažyćciaŭlałasia chvalami ŭ čatyroch kirunkach z boku Čornaha mora. Pad udarami apynulisia Adesa, Dniapro i Lvoŭ.
Ukrainskaja supraćpavietranaja abarona źbiła 87 z 90 bieśpiłotnikaŭ.
Bolš za ŭsio dronaŭ źbili nad Adeskaj vobłaściu — kala 30. U vyniku padzieńnia askiepkaŭ źbitaha bieśpiłotnika ŭ adnym sa šmatpaviarchovikaŭ Adesy spałachnuŭ pažar. Zahinuŭ 15-hadovy padletak, vosiem čałaviek paciarpieli. Jašče try šmatkvaternyja damy atrymali paškodžańni.