Błohierka z Bransku spjanu spaliła svoj pašpart. I atrymała kryminałku za ździek z hierba na vokładcy
Navahodniaja noč nadoŭha zapomnicca 22-hadovaj błohiercy z rasijskaha Branska Jaŭhienii Chofman. U internecie šyroka razyšłosia videa, na jakim pjanaja dziaŭčyna kala načnoha kłuba spalvaje svoj rasijski pašpart pad ululukańnie hledačoŭ.
02.01.2024 / 08:54
Praź niekatory čas Chofman pasprabavała apraŭdacca i napisała ŭ sacsietkach, što lubić Rasiju, a pašpart spaliła, bo tam u jaje niepryhožaja fotka.
Adnak u ciapierašniaj Rasii takija pierformansy nie prachodziać niezaŭvažnymi. Vajennyja błohiery vykazali zdahadku, što Jaŭhienija Chofman mahła hetaj akcyjaj padtrymlivać Ukrainu — i na dziaŭčynu ŭ toj ža dzień zaviali kryminalnuju spravu.
Siłaviki doŭha nie dumali: pakolki na vokładcy spalenaha pašparta byŭ namalavany hierb Rasii, błohiercy inkryminavali ździek ź jaho. Maksimalna mahčymaje pakarańnie — hod u kałonii. Ale moža abyścisia i prymusovymi pracami.
Błohierka ŭ milicyi